Datu-base bat da, liburutegiaren funtsak jaso, dokumentuen datu garrantzitsuenak eman eta non dauden adierazten duena.
Informazio bibliografikoa (egilea, izenburua, gaiak, argitalpen-data, laburpena, etab.), dokumentua aurkitzeko datuak, eta eskuragarri dagoen ala ez.
Dokumentu bat non dagoen jakiteko, erreparatu signaturari eta kokapenari eta galdetu liburuzainari.
Dokumentu guztiek duten eta haien kokapena zein den jakiteko balio duen kode bat da. Etiketa batean ezartzen da, liburuen eta bestelako materialen bizkarrean. Katalogoaren kontsulta egiterakoan idaztea komeni da, dokumentuaren bila joan aurretik.
Erregistro osoaren bistaratze-pantailan, "Funtsak" dioen eremuan jasotako ale guztiak adierazten dira, eta zein urte osorik dauden eta zeintzuk ez.
Bi modu daude. Eduki nagusia artista bat den dokumentu guztien bila bazabiltza, idatzi artista horren izena bilaketa-laukian eta aukeratu "Gaia" irizpidea eremuen menu zabalgarrian. Artistari buruzko dokumentuak agertuko zaizkizu soilik: monografiak, erakusketa-katalogoak, bideoak, eta abar.
Artista hori aipatzen den katalogoko erreferentzia guztiak agertzea nahi baduzu, berriz, idatzi haren izena bilaketa-laukian eta bilaketa-irizpide gisa aukeratu "Eremu guztiak". Emaitzak askoz ugariagoak izango dira; izan ere, sistemak katalogoaren esparru guztietan bilatzen du karaktere-katea. Estrategia hau egokia da oso bilaketa zehatzetarako, baina kontuan izan dokumentu-kopuru handia agertuko zaizula, asko eta asko interesik gabeak.
Liburutegian ditugun pelikula guztien zerrenda bistaratzeko, aukeratu "Bideoak" atala katalogoaren hasieran.
Zuzendari baten pelikula guztiak edota pelikula jakin bat bilatzeko, bideoen atalean sartu ondoren, idatzi ezagutzen dituzun zuzendariaren edota pelikularen datu guztiak.
Sar zaitez katalogoko "Erregistratu" atalean. Erabiltzailea eta pasahitza sartu ondoren, informazio hori guztia aurkituko duzu "Nire liburutegia" atalean.
Liburutegiaren bazkide bazara eta zure pasahitza ezagutzen ez baduzu kontsulta iezaguzu. Zure maileguak berritu, berritzean egin eta ezabatu, gogokoenak kudeatu eta isunak ikusi ahal izango dituzu.
Bai. Betiere, beste erabiltzaile batek dokumentua erreserbatu ez baldin badu eta itzultzeko epea iritsi baino lehen. Interneten bidez luza dezakezu mailegua "Nire liburutegia" atalean sartuta eta erregistratu ondoren. Telefonoz deituta ere egin dezakezu, liburutegiaren ordutegi-barruan.
Bai, baina kontsulta egiterakoan mailegatuta daudenak bakarrik.
Interesatzen zaizun dokumentu bat bistaratzean funtsen erlaitzean ikusten baduzu mailegatuta dagoela, "Erreserba egin" esteka jo behar duzu erreserbatzeko (itzultze-dataren ondoan dago esteka). Elkarrizketa-koadro bat zabalduko zaizu, eta zure erabiltzaile-datuak emanez erregistratu ondoren agertuko zaizun pantailan egin ahal izango duzu erreserba. Dokumentua eskuragarri dagoenean, mezu elektroniko bat jasoko duzu haren bila etortzeko.
Hori gertatuz gero, kontsulta iezaguzu eta non aurki dezakezun esango dizugu edota, egoki baderitzogu, erosi egingo dugu liburutegirako.